Flash: Përfaqësuesit e Televizioneve: Për reklamat e partive politike do të zbatojmë Kodin Zgjedhor
Përfaqësuesit e Radiotelevizioneve i kanë dërguar letër ankesë KQZ-së, AMA-s dhe OSBE-së për ligjin e “Partive Politike”
Reportazhe
Vëzhgimi/ Sheshi “Skënderbej”, si është lehtësuar trafiku
Prej katër ditësh, Sheshi është i kalueshëm nga automjetet dhe këmbësorët
17 nëntor 2011 16:19
Katër ditët e para kanë reflektuar lehtësimin në trafikun e qendrës së kryeqytetit pas hapjes së Sheshit “Skënderbej” për kalimin e mjeteve dhe këmbësorje.

Në një sondazh të kryer nga “ABC News” rreth orës 7:30 të paradites për të shkuar nga kryqëzimi i rrugës së Kinostudios me rrugën e Porcelanit, për në rrugën e kavajas, aty ku ka qenë kinema “Millennium 1”, me një lëvizje normale me automjet u përshkrua për 16 minuta.

Prej katër ditësh, sheshi “Skënderbej” është i kalueshëm nga automjetet dhe këmbësorët.

Vendimi ka bërë që drejtuesit e automjeteve të shmangin devijimet që përveçse u kushtonte kohë dhe nerva, ngarkonte artificialisht me trafik edhe rrugët qark sheshit dhe sidomos Unazën e mesme të Tiranës.

Ora 7:30 u zgjodh si një prej momenteve kur trafiku rezulton të jetë i ngarkuar nga lëvizjet e qytetarëve për të shkuar në vendet e punës, apo për të dërguar fëmijët në shkolla apo kopshte.

Situata mund të përmirësohet ende nëse ndërhyrjet në trafik, apo orientimet e shërbimeve të policisë rrugore gjejnë mirëkuptimin e drejtuesve të mjeteve dhe respektimin e sinjalistikave prej tyre.

Ndonëse rindërtimi i rrugëve për kalimin e automjeteve në sheshin “Skënderbej” është shoqëruar me sinjalistikën përkatëse për drejtimet e kalimit, këto shpesh nuk respektohen nga drejtuesit, duke shkaktuar probleme në lëvizjen e mjeteve

Shefi i shërbimeve të trafikut në policinë rrugore të Tiranës shprehet edhe për lehtësirat që ka krijuar për segmentet e tjera tradicionalisht të ngarkuara me trafik automjetesh, hapja e sheshit “Skënderbej”.

Për lehtësimin e trafikut në rrugët më të ngarkuara shërbimet e policisë rrugore dhe patrullat e përgjithshme kryejnë ndërhyrje të shpeshta për ndëshkimin e drejtuesve që parkojnë dyshe duke bllokuar korsitë e lëvizjes.

Live Stream
Moti
Sot

25° / 16°
Sondazh
Partitë opozitare kërkojnë përmes protestës qytetare krijimin e një qeverie teknike që do të mundësojë zgjedhje të lira e demokratike në vend. A mendoni se do të realizohet një kërkesë e tillë?
Kursi i Këmbimit
USD / LEK
-0,86
126
EUR / LEK
-1,41
134.93
GBP / LEK
2,72
161.18
CHF / LEK
-1,14
126.19
JPY / LEK
3,33
115.47
Partnerë