Flash: Mbyllen pa marrëveshje negociatat mes palëve politike dhe dy europarlamentarëve
Basha: Rama refuzon qeverinë teknike. Kryeministri: Të hapur për dialog pa kushte, por pa Vetingun nuk ka asnjë kompromis
Sport
Keidi Bare është shqiptari i parë që luan në ekipin e parë të Atletikos së Madridit
Realizova një ëndërr
11 janar 2017 12:29
Një futbollist shqiptar bëri debutimin për një nga klubet më të mëdhenj të Spanjës dhe të Europës. Kjo ndodhi në ndeshjen e fundit të Kupës së Mbretit

Ishte dita e tij.
Keidi Bare u bë shqiptari I parë që debutoi për Atletikon e Madridit.
Mesfushori 19-vjeçar u fut në lojë në minutën e 79-të të ndeshjes së Kupës së Mbretit ndaj Las Palmasit.
Futbollisti fierak, anëtar I Shqipërisë U21 ka bërë tashmë një rrugë të gjatë që kur kaloi nga Apolonia e Fierit në klubin e madh spanjoll në fund të vitit 2013.
Pas sukseseve në ekipin e të rinjve, ai u përfshi për herë të parë në skuadrën e të rriturve nga trajneri Simeone në 2014.
Vazhdoi të luante me Atletikon U19, ku shkëlqeu në Spanjë dhe në Champions, duke pritur momentin e tij.
Shansi erdhi në mbrëmjen e 10 janarit 2017.
“Për mua, debutimi në ekipin e parë, ishte një ëndërr që kur mbërrita këtu. Jam shumë I kënaqur dhe falenderoj trajnerin Simeone dhe gjithë stafin teknik që më dhanë këtë mundësi. E vërteta është që nuk shpresoja ta bëja këtë debutim, por ja që më dhanë një kënaqësi të madhe”.
Nëse për Baren ishte një ndeshje për të mos u harruar, Atletiko duhet ta harrojë këtë sa më shpejt.
Edhe pse luajti me futbollistët më të mirë, sërish humbi ndaj Las Palmasit, me rezultatin 2-3, dhe u kualifikua për në çerekfinalen e Kupës vetëm në sajë të fitores 2-0 të takimit të parë jashtë fushe.
Për trajnerin Simeone, gjithsesi, më shumë rëndësi pati kualifikimi sesa humbja.
Live Stream
Moti
Sot

22° / 12°
Sondazh
Partitë opozitare kërkojnë përmes protestës qytetare krijimin e një qeverie teknike që do të mundësojë zgjedhje të lira e demokratike në vend. A mendoni se do të realizohet një kërkesë e tillë?
Kursi i Këmbimit
USD / LEK
-0,86
126
EUR / LEK
-1,41
134.93
GBP / LEK
2,72
161.18
CHF / LEK
-1,14
126.19
JPY / LEK
3,33
115.47
Partnerë