Flash: Dorëzohet në polici bashkëpunëtori i dyshuar në vrasjen e Elton Çiços
Renato Milloshi u dorëzua pasi ishte në kërkim sepse dyshohet se e ndihmoi Jani Aliajn në atentatin ku u vra Elton Çiço
Sport
Entoni Dejvis ishte lojtari më i mirë i mbrëmjes në NBA
Ai realizoi diçka të veçantë ndaj Nju Jorkut
10 janar 2017 16:34
Ishte më i miri i mbrëmjes edhe si shënues, edhe për zotërimin e koshave.
Entoni Dejvis u shfaq edhe një herë në rolin e një pasurie të vërtetë të NBA-së, pasi realizoi 40 pikë dhe kapi 18 topa në tabela, madje në vetëm 29 minuta.
Ishte e pesta herë radhazi që 23-vjeçari shënoi të paktën 20 pikë dhe kapi 15 tabela, arritje që e përfshin atë në një elitë të përzgjedhur.
Në 30 vitet e fundit, vetëm tre basketbollistë të tjerë e kanë bërë diçka të tillë, pikërisht Kevin Lov, Çarls Barkli dhe Hakim Olaxhuon.
Lojtari elegant dhe shtatlartë plot 2.11 metra, pati fatin e mirë të ishte në anën e fituesve pasi Nju Orlinsi triumfoi ndaj Nju Jorkut, me shifrat 110-96, madje në fushë kundërshtare, në arenën më të famshme të Amerikës, “Medison Skuer Garden”.
Situata e Dejvisit është vërtet paradoksale.
Ai është një nga lojtarët më të mirë të sezonit, I treti për pikët e shënuara plot 1078 pikë, I dyti për mesataren me më shumë se 29 pikë për ndeshje.
Kjo nuk ka mjaftuar që Nju Orlinsi të shkëlqejë.
Përkundrazi, ndodhet në vendin e 6-të nga fundi në Konferencën Perëndimore, me vetëm 15 fitore në gati 40 ndeshje.
Ky bilanc mund të përkeqësohet pasi Dejvis u detyrua të largohej nga ndeshja në Nju Jork për shkak të një dëmtimi, një tjetër problem në këmbët e tij delikate.
Live Stream
Moti
Sot

18° / 8°
Sondazh
Partitë opozitare kërkojnë përmes protestës qytetare krijimin e një qeverie teknike që do të mundësojë zgjedhje të lira e demokratike në vend. A mendoni se do të realizohet një kërkesë e tillë?
Kursi i Këmbimit
USD / LEK
-2,44
126.86
EUR / LEK
1,89
136.34
GBP / LEK
-1,12
158.46
CHF / LEK
1,55
127.33
JPY / LEK
2,07
112.14
Partnerë