Zyra Administrative në veri të Mitrovicës, e cila u hap para pak javësh në Lagjen e Boshnjakëve, nuk ndihet e kërcënuar nga strukturat paralele të Serbisë që veprojnë në veri, e të cilat financohen nga Beogradi. Të paktën kështu thonë drejtuesit e Zyrës, sipas të cilëve puna e tyre është vetëm ofrimi i shërbimeve për qytetarët e veriut të vendit. Adriana Hoxhic, e cila është shefe e kësaj zyre, ka thënë se nuk i interesojnë fare strukturat të cilat paguhen nga Beogradi, për të shtuar më pas se çfarëdo strukturash politike që nuk punojnë në interes të qytetarëve të veriut duhet të hiqen. Hoxhic ka thënë se si ka interes të madh të qytetarëve të veriut për shërbimet që ofron Zyra Administrative, ndërsa premtoi se do t’i mbrojnë qytetarët sipas ligjeve të Kosovë.