Flash: Pas publikimit të videos në emisionin “Stop”, policia e Shkodrës ka ndaluar 8 persona
Denoncimi në “Stop” me pije të falsifikuara, u ndaluan inspektorwt e AKU Hilmi Erkoçaj, Abdyl Bajraktari, Elvis Rraboshta, Adnan Gradeci, Edmond Fortuzi
Politikë
PS thërret Kongresin në Prill
Rama: Me ose pa PD, në koalicion apo vetëm, më 18 qershor në zgjedhje
20 mars 2017 15:55
Edi Rama duket se e ka ndarë mendjen çfarë do të bëjë më 18 qershor, pavarësisht qëndrimit të opozitës apo të aleatit të tij kryesor. “Me apo pa PD-në, në koalicion ose qoftë edhe të vetëm, në 18 qershor do të shkojmë në zgjedhje”, ka deklaruar Rama para grupit të tij parlamentar. Ndërkohë që fjalët e tij duken si një mesazh për LSI-në, PS ka vendosur të thërrasë në fund të prillit kongresin elektoral, për të nisur zyrtarisht fushatën.

Kryesia e Partisë Socialiste vendosi mëngjesin e së hënës që të thërrasë në fund të muajit prill kongresin e saj elektoral. Burime nga mbledhja e Kryesisë socialiste, bënë të ditur se ky kongres pritet të miratojë programin elektoral me të cilin do të garojë PS në zgjedhjet e 18 qershorit, si dhe do të njihet me listën e kandidatëve për deputetë, që do të përbëjnë ekipin e drejtuar nga Edi Rama. Pritet që para mbledhjes së Kongresit, të zhvillohet edhe një mbledhje e Asamblesë së Përgjithshme të Partisë Socialiste, e cila do të miratojë edhe zyrtarisht rendit e ditës së punimeve të Kongresit. Datat nuk janë të zyrtarizuara por pritet që Asambleja të zhvillohet më 2 prill ndërsa Kongresi më datë 29 të të njëjtit muaj. Zhvillimi i këtij kongresi nga PS do të shënojë edhe nisjen me ritëm të plotë të fushatës elektorale nga socialistët.
Disa orë pas Kryesisë, Rama mblodhi edhe grupin e tij parlamentar, ku mësohet se të jetë shprehur se PS nuk ka asnjë alternativë tjetër veçse të hyjë në zgjedhje dhe të dalë forcë e parë. “Me Salin, pa Saliun, me Lulzim Bashën apo pa Lulzim Bashën, në koalicion ose qoftë edhe të vetëm, më 18 qershor do të shkojmë në zgjedhje”, citohet të ketë thënë Kryeministri, i cili ka kërkuar një rezultat më të thellë se ai i vitit 2013.
Këtij qëndrimi i bëri jehonë edhe ministrja për Marrëdhëniet me Parlamentin.

Përsa i përket seancës plenare, Rama ka kërkuar që të gjithë deputetët të jenë në seancë, ku duhen 71 vota për të miratuar dekretet e Presidentit Nishani për 4 ministrat e rinj. Ministrja për Marrëdhëniet me Parlamentin, u tregua e sigurt se votat e LSI-së nuk do të mungojnë, edhe për Fatmir Xhafën.
Presidenti Nishani e vlerësoi të papërshtatshme kandidaturën e Xhafës por për shkak të pamundësisë kushtetuese për ta refuzuar atë, ia kaloi çështjen Parlamentit. I pyetur nga ABC Neës mbi këtë qëndrim të Kreut të Shtetit, Kryeministri Rama preferoi të përgjigjej me gjeste.




Live Stream
Moti
Sondazh
Me nisjen e legjislaturës së re, partitë janë përfshirë në diskutimet, ende jo në tryezë për reformën zgjedhore. Mendoni se kësaj radhe klasa politike do t'i realizojë në kohë ndryshimet në këtë reformë?
Kursi i Këmbimit
USD / LEK
-1,30
112.09
EUR / LEK
-0,74
132.24
GBP / LEK
-2,29
146.22
CHF / LEK
-1,73
115.13
JPY / LEK
-1,44
101.13
Partnerë