Flash: Policia sekuestroi rreth 1 ton kanabis sativa në orët e para të mëngjesit
Policia bllokoi një Velierë midis plazhit të Levanit dhe Darëzezës, në bord u kapën një shqiptar dhe një italian
Politikë
Presidenti Nishani dekreton shkarkimet dhe emërimet e Ramës në qeveri
Kreu i Shtetit e quajti të papërshtatshëm zëvendësimin e Tahirit me Xhafajn
20 mars 2017 12:26
Pas rezervave të shprehura publikisht ndaj kandidaturës së Fatmir Xhafës si ministër i Brendshëm, Presidenti i Republikës e dekretoi atë në këtë detyrë. Bashkë me Xhafën, Nishani dekretoi edhe shkarkimin e 3 ministrave të tjerë dhe zëvendësimin e tyre me propozimet që i kishte dërguar Kryeministri.
Presidenti i Republikës dekretoi shkarkimin e 4 ministrave të Qeverisë Rama dhe zëvendësimin e tyre me 4 emrat e rinj të propozuar nga Kryeministri. Dekretet e para i përkasin dikasterit për të cilin Bujar Nishani thirri një konferencë të posaçme shtypi, Ministrisë së Punëve të Brendshme. Kreu i Shtetit e quajti të papërshtatshëm zëvendësimin e Saimir Tahirit me Fatmir Xhafajn, duke iu referuar disa akuzave publike në adresë të këtij të fundit, për veprimtarinë e tij si hetues gjatë periudhës së diktaturës.
Kështu, Presidenti i Republikës bëri të qartë se dekretimi i tij për Fatmir Xhafën është i detyruar nga Kushtetuta, ndërsa fjala e fundit për të do t’i takojë Parlamentit. 
Kreu i Shtetit nuk shprehu rezerva përsa i përket lëvizjeve në 3 dikasteret e tjera. Ai dekretoi shkarkimin e Ilir Beqes si ministër të Shëndetësisë dhe zëvendësin e tij me Ogerta Manastirliun. Shkarkimi i Bledi Çuçit u pasua nga dekretimi i emërimit të Eduard Shalsit si ministër për Cështjet Vendore. Ndërsa në fund, Presidenti Nishani dekretoi Olta Xhaçkën si ministre e Mirëqënies Sociale dhe Rinisë, në vend të Blendi Klosit.
Live Stream
Moti
Sot

25° / 14°
Sondazh
Me nisjen e legjislaturës së re, partitë janë përfshirë në diskutimet, ende jo në tryezë për reformën zgjedhore. Mendoni se kësaj radhe klasa politike do t'i realizojë në kohë ndryshimet në këtë reformë?
Kursi i Këmbimit
USD / LEK
-1,30
112.09
EUR / LEK
-0,74
132.24
GBP / LEK
-2,29
146.22
CHF / LEK
-1,73
115.13
JPY / LEK
-1,44
101.13
Partnerë