Flash: Mbyllen pa marrëveshje negociatat mes palëve politike dhe dy europarlamentarëve
Basha: Rama refuzon qeverinë teknike. Kryeministri: Të hapur për dialog pa kushte, por pa Vetingun nuk ka asnjë kompromis
Politikë
Opozita: Numërimi elektronik, kusht i panegociueshëm
Basha: “Pastaj flasim për “listat e hapura” të LSI-së”
11 janar 2017 17:38
Opozita kushtëzon reformën zgjedhore dhe çdo aksion politik brenda e jashtë Parlamentit me numërimin elektronik në zgjedhjet e 18 qershorit. Lidhur me kerkesën e LSI-së për sistemin zgjedhor, Basha u shpreh pro çdo varianti që u jep pushtet qytetarëve, përfshi listat e hapura, sistemin maxhoritar, apo dhe zgjedhjen e kandidateve për deputetë nga anëtarësia.  Por ai kërkoi të sigurohet  më parë vota e lirë përmes votimit me shenja gishtash dhe numërimit elektronik të votave. 

Opozita e bashkuar kushtëzon çdo aksion politik brenda dhe jashtë Parlamentit me përdorimin e teknologjisë në votim dhe numërim në zgjedhjet e 18 qershorit dhe nuk bëhet fjalë që të pranojnë si opsion përdorimin e pjesshëm të saj, sikundër sygjerojnë socialistët.
“Demokracia nuk është projekt pilot, demokracia është projekt kombëtar. Votimi elektronik është një nga zgjidhjet kundër shit-blerjes së votës. Eleminon blerjen apo mbledhjen e kartave të identitetit dhe zvogëlon mundësitë e krimit për t’u bërë presion qytetarëve” .
Opozita e bashkuar u mblodh në mesditë në selinë blu, dhe kryetari i saj Lulzim Basha deklaroi se votimi dhe numërimi elektronik eshte një kusht i panegociueshëm, që do të çojë në zgjedhje me standarde. 
“E reja është që kohë më nuk ka. Opozita do të kushtëzojë çdo veprim të metejshëm me avancimin për reformën, e cila u jep qytetarëve fuqinë për të vendosur për qeverisjen e ardhshme: qytetarëve dhe jo kriminelëve, vullnetit të tyre dhe jo varfërisë që dikton shit-blerjen. Çdo veprim tjetër është  sekondar dhe vullneti ynë është për të diktuar zgjedhje të lira e të ndershme si interesi i çdo shqiptari”
Sekondar është edhe propozimi i LSI-së për listat e hapura. Ai nuk merr përgjigje negative nga Basha, por e lë në pritje. Kreu demokrat sjell në vëmendje se nuk është pengesë për një sistem zgjedhor që u jep pushtet qytetarëve dhe jo kryetarëve në përzgjedhjen e kandidatëve për deputetë, por kjo jo pa realizuar teknologjinë. 
“Kur kam folur për hapjen kam pasur këtë parasysh dhe në këtë mendësi absolutisht ne nuk jemi pengesë për listat e hapura, por diskutimi për listat mbetet propagandistik për sa kohë që nuk garantohet vota, ku votimi elektronik mbetet i panegociueshëm. E përshëndes mbështetjen për votimin elektronik nga kushdo faktor politik, edhe nga ata faktorë politikë qeverisës”.
Për teknologjinë në zgjedhjes është dakord edhe LSI-nëse OSBE jep ok. 
Numërimi elektronik është një aspekt thelbësor i platformës që demokratët kanë paraqitur që më 17 maj, krahas kufizimit të shpenzimeve të partive në fushatë dhe financimit 100% nga buxheti i shtetit, barazinë në aksesin mediatik dhe mospërdorimin resurseve të shtetit në kundërshtim me ligjin. Sa për dekriminalizimin Basha tha se do avancojë, pavarëishst ritmeve që deri tani i cilëson të ngadalta. Duke qëndruar këtu edhe një përgjigje për dërgimin e tij në Gjykatën Kushtetuese nga Elvis Roshi.
“Do të ishte atentat i drejtpërdrejtë ndaj demokracisë, do dështojë më turp”.
Live Stream
Moti
Sot

22° / 12°
Sondazh
Partitë opozitare kërkojnë përmes protestës qytetare krijimin e një qeverie teknike që do të mundësojë zgjedhje të lira e demokratike në vend. A mendoni se do të realizohet një kërkesë e tillë?
Kursi i Këmbimit
USD / LEK
-0,86
126
EUR / LEK
-1,41
134.93
GBP / LEK
2,72
161.18
CHF / LEK
-1,14
126.19
JPY / LEK
3,33
115.47
Partnerë