Flash: Mbyllen pa marrëveshje negociatat mes palëve politike dhe dy europarlamentarëve
Basha: Rama refuzon qeverinë teknike. Kryeministri: Të hapur për dialog pa kushte, por pa Vetingun nuk ka asnjë kompromis
Politikë
Përzgjedhja e anëtarëve për Këshillin e lartë gjyqësor
Gjykata e lartë publikon formularët Tip
11 janar 2017 14:10
Në 16 janar mbaron afati për paraqitjen e kërkesave nga të interesuarit për anëtarë të Këshillit të Lartë te Gjyqësorit dhe atij te Prokurorise. Gjykata e Lartë ka publikuar në faqen zyrtare formularët tip, të detyrueshëm për t’u plotësuar nga kandidatët.

Mbledhja e Përgjithshme e gjyqtarëve të të gjitha niveleve, është edhe përgjegjësi për zgjedhjen e antarëve gjyqtarë të Këshillit të Larte Gjyqësor. I shpallur tashmë prej ditësh në faqen e Kuvendit, njoftimi paracakton datën 16 janar, si afatin përfundimtar të dorëzimit të dokumentacionit përkatës. 
Bazuar në ligj, si pjesë e dosjes me dokumenta që çdo kandidat dorëzon, kryetari i Gjykatës së Lartë, miraton modelin e deklaratës individuale për dhënien e mbështëtjes së kandidatëve për antarë të Këshillit. 
E publikuar në faqen zyrtare, formulari tip qe çdo gjyqtar plotëson përmban emrin e deklaruesit si dhe emrin e gjyqtarit, kandidaturën e të cilit mbështet për antarësi në Këshillin e Lartë Gjyqësor. Si specifikohet në ligj, por edhe në shënimin e deklaratës, ccdo gjyqtar mund të mbështesë vetëm një kandidat për anëtar të KLGJ.
Dokument i dytë për kandidatët është edhe formulari i vetëdeklarimit. Në zbatim të ligjit të dekriminalizimit, kandidatët plotësojnë formularin, fallsifikimi i të cilit përbën vepër penale dhe ka shënuartashmë edhe viktimat e saj të para.
Pjesë e dokumentacionit për shprehjen e interesit është edhe informacioni mbi të afërmit e shkallës së dytë, ata të shkallës së parë që ushtrojnë në mënyrë aktive profesionin e avokatit ose janë pronar apo drejtues ekzekutiv në subjekte ekonomike, të cilat klasifikohen si tatimpagues të mëdhenj nga autoriteti tatimor. Për mundësimin e këtij informacioni, Këshilli i Lartë Gjyqësor miraton dhe vë në dispozicion një formular standart.
Formulari, i publikuar tashmë në faqen zyrtare të Gjykatës së Lartë, vjen si pasojë e rishikimit periodik të llogarive financiare të gjyqtarëve, por edhe familjarëve të tyre.
Dokumentacioni, pas mbylljes së afatit të dorëzimit në 16 janar do të verifikohet nga administrata e Gjykatës së Lartë duke shpallur më pas në faqen zyrtare kandidaturat. Ky process sipas ligjit pritet të zgjasë vetëm 1 javë, duke parashikuar datën 23 janar si ditën kur shpallen zyrtarisht kandidatët gjyqtarë të Këshillit të Lartë të Gjyqsorit.
Vendimet për përjashtimin e kandidatëve që nuk plotësojnë kushtet ligjore i merr Komisioni i Kualifikimit, i përbërë nga Kryetari i Gjykatës së Lartë dhe dy gjyqtarë të tjere të saj, të zgjedhur me short nga rradhët e atyre që nuk kandidojnë. E është pikërisht ky institucion, i cili në rastin e ankimeve nga kandidatët e përjashtuar, do të përballet me ta në Gjykatën Administrative të Apelit, e ngarkuar me vendimmarrje ndaj ankimeve kundër vendimeve për përjashtim të kandidatëve.
Live Stream
Moti
Sot

22° / 12°
Sondazh
Partitë opozitare kërkojnë përmes protestës qytetare krijimin e një qeverie teknike që do të mundësojë zgjedhje të lira e demokratike në vend. A mendoni se do të realizohet një kërkesë e tillë?
Kursi i Këmbimit
USD / LEK
-0,86
126
EUR / LEK
-1,41
134.93
GBP / LEK
2,72
161.18
CHF / LEK
-1,14
126.19
JPY / LEK
3,33
115.47
Partnerë