Është shfaqur premiera e  filmit dokumentar “Martirët”  me regji të Saimir Kumbaros dhe skenar të Uran Butkës në kinemane e Akademisë Marubi. Ky dokumentar është pjesë e kolanës së filmave realizuar në kuadër të 100  vjetorit të Pavaresise. Dokumentari "Martirët" është një prodhim i Qendrës Kombëtare të Kinematografisë në bashkëpunim me Televizionin Kombëtar Klan.

Ky film ka në qendër gjyqet e diktaturës, 1945-1947. Për këtë subjekt janë përdorur materiale nga arkiva e Ministrisë së Brendshme, kryesisht fotografi. Regjisori është shprehur se

“kam dashur të bëj një film që të mbetet tek publiku dhe mesazhi filozofik i filmit është denoncimi i dhunës, pavarësisht se kush e përdor atë. Dokumentat e përdorur për filmin na japin panoramën e rreth 18 lloje torturash, fizike dhe psikofizike. Gjyqet në atë kohë bëheshin në ish- kinemanë "17 Nëntori", që atëherë quhej “Nacional" dhe qëllimisht ktheheshin në spektakle ku spektatorët me porosi duartrokisnin, turma jashtë emocionohej dhe binte viktimë e histerisë kolektive, duke kërkuar varje për personat që gjykoheshin”.