Shkëmbimet tregtare mes Italisë dhe Shqipërisë gjatë vitit të kaluar kanë shënuar një rritje me 23%  apo në vlerën e 7,3 miliardëve euro, krahasuar me një vit më parë. Të dhënat janë publikuar nga raporti i Zyrës Ekonomike ndërkombëtare të shërbimeve kërkimore të Inteza Sanpaolo. Sipas këtij raporti eksportet shqiptare drejt Italisë gjatë 2011-ës janë rritur me 26% në bazë vjetore. Gjithashtu edhe importet kanë shënuar rritje me 17% por krahasuar me zërin e eksporteve janë më të ulëta. Zyra bën me dije se gjatë vitit 2011 Italia renditet si partneri kryesor tregtar dhe investues në Shqipëri. Përsa u përket eksporteve studimet e Intesa Sanpaolo tregojnë se është rritur kuota e eksporteve të metaleve dhe mineraleve në totalin e tyre në Shqipëri ndërkohë që ka patur një rënie të tekstileve që mbetet gjithësesi një nga sektorët kryesor të eksporteve drejt Italisë. Italia është partneri kryesor  tregtar i Shqipërisë me një kuotë me 36% gjatë viti të kaluar apo 53% të eksporteve dhe 31% të importeve, më pas renditet Greqia dhe Turqia, thuhet në raportin e Intezës. Shkëmbimet tregtare italiane gjatë 2011-ës rezultojnë në 1,8 miliardë euro në një rritje vjetore me 17% . Kuota shqiptare në marrëdhëniet tregtare të eksport –importeve me Italinë zë 0,2% të totalit. Krahasuar me të kaluarën kjo kuotë ka rënë duke avantazhuar më shumë ekonomitë aziatike.