Flash: Spanjë, policia parandaloi një sulm tjetër të ngjashëm me atë të Barcelonës
Spanjë, 5 terroristët që u vranë nga policia kishin në trup jelekë me eksploziv dhe ishin gati për të kryer sulmin
Bota
Fillon mobilizimi në Korenë e Veriut
3.5 milionë qytetarë janë gati të ndihmojnë ushtrinë në luftën kundër SHBA
12 gusht 2017 13:58
Koreja e Veriut ka nisur mobilizimin qytetar për një luftë të mundshme me Shtetet e Bashkuara pas përshkallëzimit të tensionit. Sipas një gazete të regjimit komunist, 3.5 milionë qytetarë janë shprehur të gatshëm të ndihmojnë ushtrinë e liderit Kim Jong Un.
Të pakten 3.5 milionë të rinj dhe ushtarë të dalë në pension I janë bashkuar ushtrisë së Koresë së Veriut për të luftuar kundër Shteteve të Bashkuara. Lajmi është bërë I ditur nga media shtetërore e vendit komunist që shton se qytetarët po ngrihen për t’u hakmarrë ndaj Uashingtonit. 
“E gjithë popullata po ngrihet anembanë vendit për t'u hakmarrë kundër mijëra amerikanëve”, shkraun Rodong Sinmun, një gazetë e partisë së punës e Koresë së Veriut. Kjo media citohet nga agjencia e lajmeve e Koresë së Jugut, Jonhap. Sipas gazetës, 3.47 milionë qytetarë, përfshirë studentë dhe ushtarë të dalë në pension, kanë kërkuar nga autoritetet që të hynë në ushtri.
“Në provincën veriore Huanhae, 89 mijë të rinj janë lutur që të regjistroheshin vetëm më 9 gusht. Në Daedong, qarku i provinces jugore Piongan, më shumë se 20 mijë studentë, anëtarë të partisë dhe punëtorë, paraqitën kërkesa për regjistrim ose rikandidim”, shkruan gazeta e vendit komunist. Mobilizimi qytetar vjen pas kërcënimeve të fundit të bëra nga presidenti amerikan, Donald Trump. Javën e kaluar miliona qytetarë dolën në sheshin kryesor të Penianit për të treguar mbështetjen ndaj liderit Kim Jon Un, pas vendosjes së sanksioneve të reja nga Kombet e Bashkuara. Në çdo deklaratë, regjimi I Koresë së Veriut premton se do asgjësojë Shtetet e Bashkuara. Madje sëfundmi ka dhe një plan për të sulmuar bazën ushtarake amerikane Guam, në paqësor. Një veprim I tillë, vlersojnë analistët do të niste një luftë mes dy vendeve.
Live Stream
Moti
Sot

35° / 22°
Sondazh
A do të jetë riviera shqiptare destinacioni juaj për këtë sezon veror?
Kursi i Këmbimit
USD / LEK
-1,30
112.09
EUR / LEK
-0,74
132.24
GBP / LEK
-2,29
146.22
CHF / LEK
-1,73
115.13
JPY / LEK
-1,44
101.13
Partnerë