Nënkryetari i Partisë Republikane, Arjan Madhi gjatë një bisede në studion e “ABC News”, ka folur për çështjen e reformës zgjedhore. Zoti Madhi bëri me dije faktin se përmbyllja e reformës zgjedhore është përshëndetur nga Partia Republikane, duke vlerësuar si një moment të rëndësishëm pikërisht faktin se një reformë e tillë u realizua bazuar në rekomandimet e OSBE/ODIHR-it. Ndërkohë, nënkryetari republikan Madhi u shpreh se Partia Socialiste e ka mbajtur peng mbylljen e reformës zgjedhore deri në momentin e arritjes së konsensusit. Njëkohësisht ai u rikujtoi partive parlamentare se nuk ka kohë më për të humbur për realizimin e reformave.