Ecuria e procesit të reformës zgjedhore, puna e komisionit parlamentar të kësaj reforme, ndryshimet në kodin zgjedhor, propozimet e partive të vogla për reformën elektorale, reforma parlamentare dhe zgjedhja e presidentit të ardhshëm kanë qenë çështjet kryesore të diskutuara në studion e Abc News nga ambasadori i prezencës së OSBE-së në Tiranë, Eugen Volfarth përballë gazetares Sonila Meço.

Duke e konsideruar pozitive ecurinë e punës së komisionit parlamentar për reformën zgjedhore ambasadori Volfarth tha se ky komision i ka përmbushur të gjitha kriteret dhe do të ofrojë një platformë shumë të mirë për zgjedhjet parlamentare.