Flash: Anulohet nisja nga Singapori e delegacionit shqiptar dhe kryeministrit Rama
Delegacioni me kryeministrin Rama do niset një ditë me vonesë për në Shqipëri, për shkak të avarisë në avionin Singapor-Frankfurt
Blogje
69-vjetori, Rama harron Pezën ...
18 shtator 2011 10:57
69-vjetori i Konferencës së Pezës ka kaluar pa shkëlqimin që i dha kreu i opozitës për disa vite radhazi.

16 shtatori i këtij viti nuk solli skena gjigande ku nën dritat shumëngjyrëshe ngjiteshin artistë të mirënjohur e të rinj.

Edi Rama dhe e gjithë Partia Socialiste duket se e braktisën datën historike që për ta kishte vlera të rëndësishme për t’u përkujtuar.

Vitet e kaluara organizimet nisnin që një ditë më parë, ndërsa shtatori i vitit 2011e gjen Pezën të organizuar në mënyrë spontane nga vetë banorët.

Të vetmet festime u bënë nga vetë banorët, shumica e të cilëve ngrinin pikëpyetje për mungesën e kreut socialist.

Rama këtë vit e harroi Pezën se humbi mandatin apo sepse nuk mund të shoqërohej nga eksponentë te tjerë të selisë rozë?

I vetmi socialist që u kujtua këtë vit ishte deputeti Andis Harasani.

Në një postim në profilin e tij në Facebook, socialisti më shumë se një kujtesë, kritikon faktin se pse Partia Socialiste këtë vit e harroi festen e Pezës.

“Nuk e kuptoj dot se përse Partia Socialiste këtë radhë e harroi festen e Pezës”.

Ndërsa komenteve të njerëzve se PS-ja pas pak kohësh do të harrojë edhe se nga e ka origjinën, Harasani u përgjigjet:

“Nuk jam dakord miku im, kam përshtypjen që PS-ja shumë shpejt do të kthehet në forcën që do të ndryshojë këtë vend. Sigurisht, duke filluar nga ndryshimi i vetvetes”.

Peza, këtë vit duket se e përjetoi kthimin e faqes politike të kryetarit të Partisë Socialiste i cili pas rrëzimit nga posti i kryetarit të bashkisë dhe pas rrymave kundër brenda selisë rozë, vendos të lërë në harresë edhe “Pezën Historike”, siç e ka emërtuar ai vetë.

Live Stream
Moti
Sot

9° / 4°
Sondazh
Partitë parlamentare janë përfshirë në diskutimet për reformën zgjedhore në funksion të zgjedhjeve të 18 qershorit. Mendoni se debati mes tyre për votimin dhe numërimin elektronik në këto zgjedhje do të prodhojë konsensus?
Kursi i Këmbimit
USD / LEK
1,64
129.3
EUR / LEK
-1,36
134.45
GBP / LEK
2,05
159.58
CHF / LEK
-0,82
125.78
JPY / LEK
-5,24
110.07
Partnerë